Сургуулийн маань нээлттэй өдөрлөгт нийт 17 өртөөгөөр хүүхдүүд маань ээж аав, эмээ өвөө, найз нартайгаа зочилж, мэдсэн сурсанаа тайлагнаж, цаашид сонирхон судлах хичээл, дугуйлангаа сонирхож нэг өдрийг хөгжилтэй сайхан өнгөрүүллээ.

Энэхүү өдөрлөгийн үйл ажиллагааны гол онцлох зүйл нь эцэг эхчүүд маань хүүхэдтэйгээ хамтран үйл ажиллагаанд оролцон, дурсамжтай сайхан цагийг өнгөрүүлсэнд байлаа. Өртөөнүүдийн заримаас дурдвал: "50 мянгын уналт" өртөөнд ээж аавын хамт оролцож асуултанд хариулах, "Бийрэн бичлэг"-н өртөөнд бүдүүн, нарийн бийрээр бичиж үзэн гарын бэлэг авах, аав ээжтэйгээ хамт багшийн зааврын дагуу уран зураг зурах гэх мэт маш олон сонирхолтой өртөөнүүд байлаа. Өдөрлөгөөр энэ хичээлийн жилээр сурсан мэдсэнээ тайлагнахаас гадна, ирэх хичээлийн жилд сургалтандаа нэвтрүүлэхээр болсон хоёр шинэ хөтөлбөрийг танилцуулсан юм. Эдгээр нь Керамик урлалын дугуйлан, Робот элекроник програмчлалын хөтөлбөр юм.