МУБИС, МУИС, Нийслэлийн БУ-ны боловсролын төвөөс хамтран бүх нийтийн физикийн боловсролыг дэмжих "Багийн олимпиад 2019"-г улсын хэмжээнд нийслэл ба орон нутаг гэсэг 2 хэсгээр зохион байгууллаа. Монгол Билиг Оюун ОУ-н хөтөлбөртэй сургууль нийслэлийн байгалийн ухааны гүнзгийрүүлсэн сургалттай олон сургуулиудтай өрсөлдөж амжилт үзүүллээ. 

Тус олимпиадад Монгол Билиг Оюун олон улсын хөтөлбөртэй сургуулийн 6-8-р ангийн сурагчид амжилттай оролцож VI, VII ангиуд Хүрэл медаль, VIII анги Алтан медаль хүртлээ. 8-р ангийн төрөлд нийт 4 баг алтан медаль хүртсэнээс манай сургуулийн баг гүйцэтгэлийн чансаагаараа тэргүүлж цомын эзэн боллоо. Сурагчдаа массаар нь амжилттай бэлтгэж медаль хүртсэн багш Э.Батжаргал, Э.Уранбилэг, Т.Энхтайван нартаа Цогцолбор болон эцэг эхийн нэрийн өмнөөс талархал илэрхийлж байна. Багийн олимпиадын Химийн хичээлийн төрөлд мөн VIII ангийн сурагчид химийн багш Хүрэлшагай-н удирдлага дор оролцож Хүрэл медаль хүртсэн амжилт үзүүллээ. Ийнхүү манай сургуулийн нийт 70 гаруй сурагч тус олимпиадаас медаль хүртэж энэ хичээлийн жилийн отгон амжилтын эзэд боллоо.